QR Premer-Ministri Asqar Mamin koronovirýs infektsiiacyn diagnostikalaý hattamasyna sáikes, qajetti merzim aiaqtalǵannan keiin ózin-ózi oqshaýlaý rejiminen shyqty. COVID-19-ǵa jasalǵan aqyrǵy taldaý nátijesi teris qorytyndy berdi. Bul týraly Premer-Ministrdiń keńesshisi - baspasóz hatshysy Sadyq Ákejanov habarlady.
Sondai-aq, buǵan deiin ózin-ózi oqshaýlaǵan bilim berý ministri Ashat Aimaǵambetov, aýyl sharýashylyǵy ministri Saparhan Omarov, ekologiia, geologiia jáne tabiǵi resýrstar ministri M. Myrzaǵaliev osyndai protsedýradan ótti. Barlyǵynan COVID-19-ǵa teris nátije alyndy.
Osyǵan bailanysty Úkimet basshysy men ministrler jumys kestesin shtattyq rejimde jalǵastyrady.
Qazirgi ýaqytta Úkimet otyrystary men barlyq keńester selektorlyq rejimde ótýde. Úkimet pen ministrlikter úiiniń ǵimarattarynda sanitarlyq tártip kúsheitildi, qaýipsizdik sharalary qatańdatyldy, qyzmetkerlerdiń 80%-y qashyqtan jumys isteýge kóshti.
Eske sala ketsek, osydan biraz kún buryn Densaýlyq saqtaý ministri Eljan Birtanov Facebook-paraqshasynda koronavirýs juqtyrǵanyn habarlaǵan edi. 12 maýsymda QR Premer-Ministri Asqar Mamin Jambyl oblysyna jumys saparymen baryp qaitqan. Onda Densaýlyq saqtaý ministri E. Birtanov ta bolǵan. Osyǵan bailanysty Úkimet basshysy oqshaýlanýǵa májbúr bolyp otyr. Áriptesterimen birge Bilim jáne ǵylym ministri Ashat Aimaǵambetov, Aýyl sharýashylyǵy ministri Saparhan Omarov pen QR Ekologiia, geologiia jáne tabiǵi resýstar ministri Maǵzum Myrzaǵaliev óz úilerinde oqshaýlandy.
