Búgin Úkimet úiinde QR Premer-Ministri Baqytjan Saǵyntaevtyń tóraǵalyǵymen Halyqaralyq qarjy uiymdarymen (HQU) jáne Ekonomikalyq yntymaqtastyq jáne damý uiymymen (EYDU) ózara is-qimyl jónindegi úilestirý keńesiniń otyrysy ótti. Bul týraly primeminister.kz habarlaidy.
Otyrys barysynda EYDU-men ózara is-qimyl jónindegi sharalar josparynyń jobasy qaraldy, ol Uiymnyń innovatsiialardy, shaǵyn jáne orta biznesti damytý, investitsiialyq saiasatty jetildirý jáne óńirlik básekege qabilettilikti arttyrý baǵyttary boiynsha usynymdaryn júzege asyrýdy qarastyrady. Sondai-aq, memlekettik-jekeshelik áriptestik negizinde HQU-men birlesken jobalardy iske asyrý barysy talqylandy.
Aita keteiik, 2015 jyldan bastap Qazaqstan men EYDU yntymaqtastyqtyń qol qoiylǵan Eldik baǵdarlamasy aiasynda belsendi ózara is-qimyl satysyna qosyldy. Eldik baǵdarlama Qazaqstannyń EYDU-nyń 29 negizgi quqyqtyq quraldaryna qosylýyn qarastyrady. Búgingi tańda Qazaqstan 17 quqyqtyq quralǵa qosyldy, biyl qalǵan 12-ne qosylý josparlanyp otyr. Júrgizilgen Sholýlar aiasyndaǵy EYDU usynymdary EYDU usynymdaryn iske asyrý jónindegi ulttyq Jol kartasyna (07.09.2017) engizilgen.
