بٷگٸن ٷكٸمەت ٷيٸندە قر پرەمەر-مينيسترٸ باقىتجان ساعىنتاەۆتىڭ تٶراعالىعىمەن حالىقارالىق قارجى ۇيىمدارىمەن (حقۇ) جەنە ەكونوميكالىق ىنتىماقتاستىق جەنە دامۋ ۇيىمىمەن (ەىدۇ) ٶزارا ٸس-قيمىل جٶنٸندەگٸ ٷيلەستٸرۋ كەڭەسٸنٸڭ وتىرىسى ٶتتٸ. بۇل تۋرالى primeminister.kz حابارلايدى.
وتىرىس بارىسىندا ەىدۇ-مەن ٶزارا ٸس-قيمىل جٶنٸندەگٸ شارالار جوسپارىنىڭ جوباسى قارالدى, ول ۇيىمنىڭ يننوۆاتسييالاردى, شاعىن جەنە ورتا بيزنەستٸ دامىتۋ, ينۆەستيتسييالىق ساياساتتى جەتٸلدٸرۋ جەنە ٶڭٸرلٸك بەسەكەگە قابٸلەتتٸلٸكتٸ ارتتىرۋ باعىتتارى بويىنشا ۇسىنىمدارىن جٷزەگە اسىرۋدى قاراستىرادى. سونداي-اق, مەملەكەتتٸك-جەكەشەلٸك ەرٸپتەستٸك نەگٸزٸندە حقۇ-مەن بٸرلەسكەن جوبالاردى ٸسكە اسىرۋ بارىسى تالقىلاندى.
ايتا كەتەيٸك, 2015 جىلدان باستاپ قازاقستان مەن ەىدۇ ىنتىماقتاستىقتىڭ قول قويىلعان ەلدٸك باعدارلاماسى اياسىندا بەلسەندٸ ٶزارا ٸس-قيمىل ساتىسىنا قوسىلدى. ەلدٸك باعدارلاما قازاقستاننىڭ ەىدۇ-نىڭ 29 نەگٸزگٸ قۇقىقتىق قۇرالدارىنا قوسىلۋىن قاراستىرادى. بٷگٸنگٸ تاڭدا قازاقستان 17 قۇقىقتىق قۇرالعا قوسىلدى, بيىل قالعان 12-نە قوسىلۋ جوسپارلانىپ وتىر. جٷرگٸزٸلگەن شولۋلار اياسىنداعى ەىدۇ ۇسىنىمدارى ەىدۇ ۇسىنىمدارىن ٸسكە اسىرۋ جٶنٸندەگٸ ۇلتتىق جول كارتاسىنا (07.09.2017) ەنگٸزٸلگەن.
