Búgin Úkimet otyrysynda QR Premer-Ministri Asqar Mamin QR Premer-Ministri Keńsesiniń jańa basshysy — Ǵalymjan Qoishybaevty tanystyrdy, dep habarlaidy "Ult aqparat" QR Premer-Ministriniń baspasóz qyzmetine silteme jasap.
«Úkimet qaýlysymen Ǵalymjan Telmanuly Qoishybaev Premer-Ministr Keńsesiniń basshy bolyp taǵaiyndaldy», — dep habarlady Premer-Ministr.
Asqar Mamin Ǵalymjan Qoishybaevtyń Prezident Ákimshiliginde jáne Syrtqy ister ministrligi júiesinde — elshi, ministrdiń orynbasary bolyp kóp jyldar boiy eńbek atqarǵanyn atap ótip, jańa qyzmette sáttilik tiledi.
Eske sala keteiik, buǵan deiin QR Premer-Ministri Keńsesiniń basshysy laýazymyn atqarǵan D. Káletaev Prezidenttiń Jarlyǵymen QR Prezidentiniń Ákimshiligi Basshysynyń birinshi orynbasary bolyp taǵaiyndaldy.
Ǵ. Qoishybaev 1968 jyly Qyzylorda qalasynda dúniege kelgen. M.V. Lomonosov atyndaǵy Máskeý memlekettik ýniversitetetin támamdaǵan. 1995–2004 jyldary Qazaqstan Respýblikasynyń Resei Federatsiiasyndaǵy Elshiliginiń attashesi, úshinshi hatshysy, birinshi hatshysy, keńesshisi, Keńesshi-Ýákili bolyp qyzmet etken. 2004 jyly — Qazaqstan Respýblikasynyń Ujymdyq qaýipsizdik týraly sharty uiymynyń janyndaǵy Ókiletti ókili bolǵan. 2004–2006 jyldary — QR Prezidenti Ákimshiliginiń Bas inspektory. 2006–2008 jyldary — QR Syrtqy ister ministrliginiń erekshe tapsyrmalar jónindegi Elshisi. 2008–2012 jyldary — QR Litva Respýblikasyndaǵy Tótenshe jáne Ókiletti Elshisi, QR Latviia Respýblikasyndaǵy, Estoniia Respýblikasyndaǵy jáne Finliandiia Respýblikasyndaǵy Tótenshe jáne Ókiletti Elshisi (qosa atqarýshy). 2012–2016 jyldary — QR Finliandiia Respýblikasy men Estoniia Respýblikasyndaǵy Tótenshe jáne Ókiletti Elshisi (qosa atqarýshy). 2016 jyldan bastap — QR Syrtqy ister ministriniń orynbasary qyzmetin atqarǵan.
