QR Premer-Ministriniń ókimimen Ǵabit Ábdimajituly Syzdyqbekov Qazaqstan Respýblikasy Premer-Ministriniń Keńsesi basshysynyń birinshi orynbasary bolyp taǵaiyndaldy, dep habarlaidy "Ult aqparat" primeminister.kz silteme jasap.
Ǵabit Syzdyqbekov 1980 jyly Shymkent qalasynda dúniege kelgen.
Qazaq memlekettik zań ýniversitetin, RF SIM Diplomatiialyq akademiiasyn bitirgen.
Eńbek jolyn 2004 jyly QR SIM Memlekettik protokol qyzmetiniń attashesi qyzmetinen bastaǵan. 2005-2006 jyldary – QR SIM Memlekettik protokol qyzmetiniń úshinshi hatshysy;
QR SIM Eýropa jáne Amerika departamentiniń úshinshi hatshysy.
2006-2007 jyldary – QR SIM Keńsesi baspasóz qyzmetiniń úshinshi hatshysy; ekinshi hatshysy.
2007-2011 jyldary – QR Parlamenti Senatynyń apparatynda túrli laýazymdardy atqarǵan. 2011-2012 jyldary – QR SIM Aziia jáne Afrika departamentiniń basqarma basshysy. 2012-2017 jyldary – Frantsiia Respýblikasyndaǵy Qazaqstan Respýblikasy Elshiliginiń keńesshisi.
2017 jylǵy tamyzda QR SIM Ákimshilik jáne baqylaý departamentiniń keńesshisi boldy. 2017-2019 jyldary – QR Parlamenti Senaty tóraǵasynyń keńesshisi; QR Parlamenti Senaty Apparatynyń Halyqaralyq qatynastar, qorǵanys jáne qaýipsizdik komitetimen ózara is-qimyl bóliminiń meńgerýshisi.
2019 jylǵy mamyrdan bastap qyrkúiekke deiin – QR SIM Erekshe tapsyrmalar jónindegi elshisi.
2019 jylǵy qyrkúiekten bastap qazirgi tańǵa deiin Qazaqstan Respýblikasynyń Serbiia Respýblikasyndaǵy Tótenshe jáne Ókiletti elshisi qyzmetin atqardy.
