Qazaqstandyq fermerlerge ónim kóp beretin jáne eksportqa shyǵarylatyn daqyldardy egýge airyqsha kóńil bólý kerek. QR Premer-Ministri Álihan Smaiylov Úkimet otyrysynda osylai dedi, dep habarlaidy QazAqparat.
«Tehnikalardy jańartý úshin investitsiialyq, sondai-aq kreditter men lizingterdiń paiyzdyq stavkasyn sýbsidiialaý kólemi ulǵaiady. Fermerler aldymen suranysy joǵary dándi-daqyldardyń egistik alqaptaryn ulǵaitýy tiis. Bul rette, ónimdi kóp beretin jáne eksportqa shyǵatyn daqyldardy egýge airyqsha kóńil bólý kerek. Oǵan qol jetkizý úshin agrotehnologiialyq talaptardy qatań saqtaýdyń, tyńaitqyshtardy ýaqytynda qoldanýdyń mańyzy óte zor», - dedi Úkimet basshysy.
Sondai-aq, ol Aýyl sharýashylyǵy ministrligi men ákimder kóktemgi egis naýqanyn erekshe baqylaý úshin birqatar tapsyrmalar júktedi.
