QR Prezidenti Qasym-Jomart Toqaevtyń tapsyrmasymen QR Premer-Ministri Asqar Mamin jumys saparymen Almatyǵa bardy, sapar kezinde qala máslihatynyń kezekten tys otyrysyna qatysty, – dep habarlaidy primeminister.kz.
Asqar Mamin máslihat depýtattaryna Memleket basshysynyń qala ákimi qyzmetine Baqytjan Saǵyntaevty taǵaiyndaý týraly hatyn oqyp berdi. Depýtattar usynylǵan kandidatýrany biraýyzdan maquldady.
Almatyda QR Úkimetiniń basshysy qala aktivimen kezdesý ótkizdi. QR Premer-Ministri A. Mamin B. Baibekke 4 jylǵa jýyq ýaqyt boiy ákim qyzmetinde qalanyń damýyna qosqan zor úlesi úshin alǵys bildirdi.
«Baýyrjan Baibektiń basshylyǵymen Almaty qalasynda úlken áleýmettik-ekonomikalyq, infraqurylymdyq reformalar, týrizm salasyndaǵy jobalar júzege asty. Osynyń arqasynda qalanyń damýyna serpin berildi», - dedi A. Mamin, ekonomikanyń negizgi salalary boiynsha oń dinamika kórsetilgenin atap ótti.
Megapolistiń jańa ákimin tanystyrý kezinde Asqar Mamin Baqytjan Saǵyntaevtyń jaýapty basshylyq qyzmetterdegi úlken tájiribesin atap ótti.
«Baqytjan Ábdiruly - tájiribesi úlken, kásibi basshy. QR Prezidenti Ákimshiliginiń basshysy, Memlekettik hatshy, Premer-Ministr, Premer-Ministrdiń birinshi orynbasary qyzmetinde elimizdiń damýyna zor úles qosty. Sondai-aq, ol «Nur Otan» partiiasy tóraǵasynyń birinshi orynbasary, Pavlodar oblysynyń ákimi, ekonomikalyq damý jáne saýda ministri qyzmetterin atqardy. », - dedi A. Mamin.
QR Úkimetiniń basshysy Prezidenttiń Almaty qalasynyń basshylyǵy aldynda aýqymdy mindetterdi qoiyp otyrǵanyn atap ótti.
«Almaty - elimizdiń iri iskerlik, qarjylyq, innovatsiialar men investitsiialar, sondai-aq, bilim berý jáne mádeni ortalyǵy. Almaty qalasy respýblikanyń jalpy ishki ónimniń besinshi bóligin qamtamasyz etedi.
Halyqtyń áleýmettik jaǵdaiyn, turmys sapasyn jaqsartýǵa basa kóńil bólý qajet. Qala ekonomikasynyń jáne infraqurylymynyń odan ári damýyn qamtamasyz etý qajet», - dep Asqar Mamin, jańa ákimniń Elbasy Nursultan Ábishuly Nazarbaevtyń Almaty qalasyn damytý boiynsha alǵa qoiǵan barlyq strategiialyq mindetterdi tiimdi oryndaitynyna jáne Memleket basshysy Qasym-Jomart Toqaevtyń Almatyǵa jumys sapary barysynda bergen tapsyrmalaryn naqty sheshetinine senim bildirdi.
