Búgin Almaty qalasyna jumys sapary barysynda QR Premer-Ministri Baqytjan Saǵyntaev biznes ortany túbegeili jaqsartý jáne keńeitý boiynsha Memleket basshysynyń tapsyrmalaryn oryndaý barysymen tanysty, dep habarlaidy "Ult aqparat".
Birinshi kezekte Baqytjan Saǵyntaev «Magnum Cash&Carry» JShS aralap, onda saýda jelisiniń qyzmetimen tanysty. Premer-Ministr sharýashylyq jáne azyq-túlik taýarlarynyń, nan-toqash, konditerlik ónimder, jemis-kókónis jáne et-sút ónimderi sektsiialaryn aralap kórip shyqty. Óz kezeginde «Magnum Cash&Carry» basshysy Aleksandr Garber jergilikti óndirýshilerdiń ónimderin ótkizýge jáne áleýmettik mańyzy bar taýarlardyń bólshek saýda baǵalaryn qalyptastyrýǵa qatysty túsinikteme berdi.
«Magnum Cash&Carry» Qazaqstandaǵy 2007 jyly qurylǵan bólshek saýda jelisi. Aita ketken jón, Almatydaǵy aýdany 7 myń m² bolatyn bir saýda ortalyǵynan bastap toǵyz jylda jeli elimizdiń bes qalasyndaǵy 28 dúkenge deiin ósti. Kompaniianyń málimetinshe, Almatydaǵy órkenietti saýdanyń bólshek saýda naryǵyndaǵy onyń úlesi — 50% jýyq. Jeli dúkenderindegi satyp alýshylardyń kún saiynǵy aǵymy orta eseppen alǵanda 61 myńnan astamdy quraidy. Qazaqstandyq qamtý taýarlarynyń úlesi — maýsymǵa bailanysty 42-47%.
Budan keiin QR Premer-Ministri «EFKO Almaty» JShS mai ónimderin óndiretin kásiporynǵa baryp, mai óndirý keshenin qaita qurý men jańǵyrtýdy tekserdi. Aita ketken jón, ótkizilgen jańartýǵa sáikes kompaniia joǵary álemdik standarttarǵa sai mai jáne margarin óndirisin rettei aldy. Bul respýblikalyq ishki qajettilikterdi qamtyp qana qoimai, Ortalyq Aziia elderi men Qytaiǵa jetkizýdi bastaýǵa múmkindik berdi, al Qazaqstannyń mártebesi mai ónimderin «netto-importtaýshydan» «netto-eksporttaýshyǵa» ózgerdi.
Investitsiialar kólemi 11 mlrd teńgeden asqan «EFKO Almaty» mai klasterin qurý boiynsha jobasyn sátti iske asyrǵan soń, ol Almatynyń Indýstriialandyrý kartasyna jáne «Biznestiń jol kartasy – 2020» baǵdarlamasyna engizildi.
Kompaniianyń basshysy Nurjan Qojamuratovtyń aitýynsha, kúrdeli makroekonomikalyq jaǵdaiǵa qaramastan, kásiporyn mai ónimderi óndirisi men eksporty kólemin arttyrady, bul Qazaqstanǵa 2025 jylǵa qarai onyń Ortalyq Aziiadaǵy jetkizýshisi bolýǵa múmkindik beredi.
Almatyǵa jumys sapary aiasyndaǵy aralaǵan kelesi nysan áskeri tehnika ázirleý, óndirý, jóndeý, jańǵyrtý jáne qarýlandyrý boiynsha kásiporyn — «Almatyenergoservis» JShS boldy, onda Baqytjan Saǵyntaev óndiris protsesimen tanysty. Onda zamanaýi tásil qoldanylady: prototipteý men óndirýdiń innovatsiialyq ádisteri, jeke 3D-zerthana, additivti tehnologiialar engizý jáne paidalaný.
Kásiporyn ónimderi tek qana Qazaqstanda ǵana emes, sondai-aq Resei, Vetnam, BAÁ, Bangladesh jáne Sýdanda suranysqa ie. Aita ketken jón, kompaniia Indýstriialandyrýdyń respýblikalyq kartasyna engizilgen. Budan ózge, ol Kásipkerlikti qoldaý kartasynyń jáne «BJK – 2020» qatysýshysy bolyp tabylady.
Búgingi tańda Úkimet Memleket basshysy jariialaǵan Ekonomikany úshinshi jańǵyrtýdy iske asyrýǵa biznesti tartý boiynsha keshendi jumys júrgizedi. Bul jumys birinshi kezekte ekonomikanyń barlyq basym salalarynda tsifrlyq tehnologiialardy keńinen engizýdi jáne biznestiń paidalanýyn kózdeidi.
Atap aitqanda, bul baǵytta kásipkerlerge arnalǵan sáikes yntalandyrýlar júiesin qurý jumysy júrgizilip jatyr, olardyń ishinde normativtik bazany jetildirý, kásiporyndardy tsifrlyq transformatsiialaý úshin shyǵyndardy azaitý, tsifrlyq jobalarǵa investitsiialar tartý úshin qolaily jaǵdai jasaý bar.
Sonymen qatar, Úkimet jańa memlekettik baǵdarlamalar aiasynda biznesti qoldaý boiynsha jumysty jalǵastyrýda: AÓK damytý men ónimdi jumyspen qamtýdy jáne jappai kásipkerlikti damytý boiynsha, olar sondai-aq jeńildikti nesielendirý túrinde biznesti qoldaý quraldarynan turady.
.jpeg)