Otandyq biznestiń aldynda 40 mlrd dollardyń importyn jergilikti ónimmen almastyrý mindeti tur. QR Premer-Ministri Álihan Smaiylov QR Prezidenti Qasym-Jomart Toqaevtyń iri biznes ókilderimen kezdesýinde osylai aitty, dep habarlaidy QazAqparat.
«Jalpy, bizdiń aldymyzda investitsiialyq ahýaldy jaqsartý mindeti tur. Básekelestik artyqshylyqtar men áleýetti baǵyttardy eskersek, bizdegi biznestiń qolynda jyl saiynǵy 40 milliard dollardyń importyn almastyrý múmkindigi bar. Úkimettiń mindeti – bizneske múmkindikterdi iske asyrýǵa kómektesý», - dedi Premer-Ministr.
Sondai-aq ol iri biznes ókilderin memlekettik qoldaý sharalaryn usynýdyń tetikteri men rásimderi ashyq bolatynyna sendirdi
«Biz investitsiialyq ahýaldy jaqsartý jónindegi usynystardy biznespen talqylaýǵa daiynbyz. Oǵan qosa ekonomikanyń ónimdiligi men tehnologiialyq qurylymyn tsifrlyq transformatsiia arqyly arttyrýǵa yqpal etemiz.
Munyń bári, saiyp kelgende, eńbekke jaramdy halyqtyń tabysynyń ósirýi kerek», - dedi Álihan Smaiylov.
