Búgin Úkimet otyrysynda Premer-Ministr Asqar Mamin zań jobalaý jumystarynyń 2021 jylǵa arnalǵan jospary jaiynda atap ótti, dep habarlaidy "Ult aqparat".
Aita keteiik, otyrys barysynda QR Úkimetiniń zań jobalaý jumystarynyń 2020 jylǵa arnalǵan josparynyń oryndalý barysy qaraldy.
«Osy jylǵy zań jobalaý jumystary jospary oryndaldy dep esepteimiz. Josparlanǵan 22 zań jobasynyń barlyǵy Parlamentke engizildi. Olardyń ishinde eń mańyzdylary «Ardagerler týraly», «Tehnikalyq retteý týraly», «Arnaiy taýarlardy baqylaý týraly» zań jobalary boldy», - dedi Premer-Ministr.
Onyń aitýynsha, 2021 jylǵa arnalǵan josparda 25 zań jobasy kózdelip otyr, onyń altaýy Memleket basshysynyń 2020 jylǵy 1 qyrkúiektegi Joldaýynan týyndaidy. Bul – sailaý, sybailas jemqorlyqqa qarsy kúres jáne birjalyq saýdany damytý máseleleri týraldy zań jobalary.
«2021 jylǵa arnalǵan josparda geodeziia, biologiialyq qaýipsizdik, áskeri politsiia jáne qoǵamdyq baqylaý máseleleri boiynsha mańyzdy zań jobalary bar. Jalpy, 2020 jylǵy zań jobalaý josparyn oryndaldy dep tanyp, 2021 jylǵa arnalǵan Zań jobalaý jumystary josparyn maquldaýdy usynamyn. Zań jobalaryn sapaly, ýaqytynda ázirlep, usyný úshin memlekettik organdardyń birinshi basshylary jeke jaýapty bolady. Meniń tapsyrmam boiynsha Úkimet reglamentine ázirleýshi organdardyń birinshi basshylarynyń derbes jaýaptylyǵy týraly túzetýler engizildi. Osyǵan orai, ministrler zań jobalarynyń ázirlenýin jáne Úkimet pen Parlamentke ýaqtyly usynylýyn qatań baqylaýdy qamtamasyz etýi qajet», - dedi A. Mamin.
Jospardyń oryndalýyn jalpy úilestirý men baqylaý Ádilet ministrligine júkteldi.
