Búgin fýtboldan Premer-liga komandalary arasynda Qazaqstan chempionatynyń 14-týry máresine jetti, dep habarlaidy "Ult aqparat".
Atalǵan týrda kósh basynda kele jatqan komandalardyń barlyǵy jeńiske jetti. Sondyqtan týrnir kestesinde aitarlyqtai ózgeris bola qoiǵan joq.
Reseilik maman Andrei Tihonov jaqynda tizginin ustaǵan elordalyq «Astana» bul joly Qostanaidyń «Tobylynan» 1:0 esebimen basym tústi. Oiyn taǵdyryn sheshken jalǵyz goldy Aleksei Shetkin 66-minýtta soqty.
Al Almatynyń «Qairaty» Aqtaýdyń «Kaspiiin» 3:1 esebimen tize búktirdi. Oiynda aqtaýlyq fýtbolshy Marat Shahmetov 12-minýtta esep ashqan edi. Odan keiin Aderinsola Eseola 32-minýtta tarazy basyn teńestirdi.
Oiynnyń 39-minýtynda Laionel Adams óz qaqpasyna gol soǵyp aldy. «Kaspii» sapynan 80-minýtta Vagner Lav qorytyndy esepti belgiledi.
Osylaisha «Qairat» 3:1 esebimen jeńdi.
Bul týrda «Qaisar» «Shahterdi» 2:0, «Ordabasy» «Jetisýdy» 3:1, «Qyzyljar» «Tarazdy» 1:0 esebimen jeńdi.
Aldaǵy týr 24, 25, 26 qazan kúnderi ótkiziledi.
