پرەمەر-ليگا: «قايرات» پەن «استانا» جەڭٸسكە جەتتٸ

بٷگٸن فۋتبولدان پرەمەر-ليگا كوماندالارى اراسىندا قازاقستان چەمپيوناتىنىڭ 14-تۋرى مەرەسٸنە جەتتٸ, دەپ حابارلايدى "ۇلت اقپارات".

اتالعان تۋردا كٶش باسىندا كەلە جاتقان كوماندالاردىڭ بارلىعى جەڭٸسكە جەتتٸ. سوندىقتان تۋرنير كەستەسٸندە ايتارلىقتاي ٶزگەرٸس بولا قويعان جوق.

رەسەيلٸك مامان اندرەي تيحونوۆ جاقىندا تٸزگٸنٸن ۇستاعان ەلوردالىق «استانا» بۇل جولى قوستانايدىڭ «توبىلىنان» 1:0 ەسەبٸمەن باسىم تٷستٸ. ويىن تاعدىرىن شەشكەن جالعىز گولدى الەكسەي ششەتكين 66-مينۋتتا سوقتى. 

ال الماتىنىڭ «قايراتى» اقتاۋدىڭ «كاسپييٸن» 3:1 ەسەبٸمەن تٸزە بٷكتٸردٸ. ويىندا اقتاۋلىق فۋتبولشى مارات شاحمەتوۆ 12-مينۋتتا ەسەپ اشقان ەدٸ. ودان كەيٸن ادەرينسولا ەسەولا 32-مينۋتتا تارازى باسىن تەڭەستٸردٸ. 

ويىننىڭ 39-مينۋتىندا لايونەل ادامس ٶز قاقپاسىنا گول سوعىپ الدى. «كاسپيي» ساپىنان 80-مينۋتتا ۆاگنەر لاۆ قورىتىندى ەسەپتٸ بەلگٸلەدٸ. 

وسىلايشا «قايرات» 3:1 ەسەبٸمەن جەڭدٸ.

بۇل تۋردا «قايسار» «شاحتەردٸ» 2:0, «ورداباسى» «جەتٸسۋدى» 3:1, «قىزىلجار» «تارازدى» 1:0 ەسەبٸمەن جەڭدٸ.

الداعى تۋر 24, 25, 26 قازان كٷندەرٸ ٶتكٸزٸلەدٸ.