«Nur Otan» partiiasynyń hatshysy Arman Qyryqbai «Praimeriz 2020» ishki partiialyq irikteýiniń negizgi qorytyndylaryn baiandady, dep habarlaidy QazAqparat.
«Tórt kúnde Nur Otan tirkelgen músheleriniń 84,2 paiyzy nemese 662 687 adam daýys bergen. Daýys berýge qatysqan 581 104 partiialyq onlain formatta tańdaý jasady. Al internetke qosylý múmkindigi áli sheshilmegen shalǵai aýdandarda turatyn 81 583 myń adam qaǵaz túrinde daýys berdi», - dedi A. Qyryqbai QR Prezidenti janyndaǵy Ortalyq kommýnikatsiialar qyzmetinde.
Onyń aitýynsha, praimerizge uzyn sany 10 990 kandidat qatysqan jáne onyń 7 143-i ózin-ózi usynǵan. Úmitkerlerdiń ortasha jasy – 43. Onyń 36,7% astamy – áielder, 29% – 35 jasqa deiingi jastar boldy.
«Negizgi áleýmettik toptardyń qamtylýyna kelsek, kandidattardyń sapaly quramy qyzmetterine qarai bylai bólindi: 31% – bilim jáne ǵylym salasynyń ókilderi, 14% – shaǵyn jáne orta biznes, 7,8% – mádeniet jáne sport, 7,1% – qyzmet kórsetý salasy, 7,2% – aýyl sharýashylyǵy salasy jáne 4,6% – ónerkásip jáne ekonomikanyń basqa salalarynyń ókilderi», - dep túsindirdi partiia hatshysy.
«Praimeriz jańa áleýmettik lift qyzmetin atqaryp, qatysýshylarǵa jariia saiasatta ózderin kórsetýge, óz kózqarastary men ustanymdaryn qorǵai alýǵa múmkindik berdi. Báseke barysyn barshasy baqylady. Árkim úgit-nasihatyn jeke strategiiasy men taktikasy turǵysynan júrgizýge múmkindik aldy. Qazaqstannyń túkpir-túkpirinde1980 pikirsaiys ótkizildi. Olar túrli sipatta boldy. Jalpy adamdardyń mundai ashyq saiasi doda negizderin endi ǵana igere bastaǵanyn eskersek, barlyq pikirtalas óz deńgeiinde tartymdy jáne qyzyqty ótti deýge negiz bar», - dedi Arman Qyryqbai.
.jpeg)