«Nur Otan» partiiasynyń praimerizi elimizdiń saiasi júiesin evoliýtsiialyq turǵyda damytýdyń alǵysharty. Bul týraly QR Prezidenti janyndaǵy Ulttyq qoǵamdyq senim keńesiniń múshesi, saiasattanýshy Erlan Sairov aitty, dep habarlaidy QazAqparat.
«Barshamyzǵa belgili, búgingi tańda dúniejúzinde ártúrli áleýmettik, ekonomikalyq protsester júrip jatyr. Memleket institýtynyń ózi qazir transformatsiiaǵa ushyraýda. Mine, osyndai protsester Qazaqstanǵa da kelip jetti. Qazaqstan halqynyń demokratiiaǵa, priýralizmge degen suranysy artyp keledi. Osy turǵyda «Nur Otan« partiiasynyń praimerizi elimizdiń saiasi júiesin evoliýtsiialyq turǵyda damytýdyń alǵysharty dep qarastyrýǵa bolady», - dedi ol Ortalyq kommýnikatsiialar qyzmetindegi baspasóz máslihaty barysynda.
Sondyqtan saiasattanýshy bul praimeriz ádil, taza, transparentti ótýi óte mańyzdy ekendigin basa aitty.
«Óitkeni, búgingi tańda dúniejúzi siiaqty Qazaqstanda da bilikke, sonymen birge saiasi partiialarǵa senimsizdik bar. Senimdi qalyptastyrý úshin praimerizdi ádil jáne taza ótkizý kerek. Sonymen birge jastardy tartý qajet. Jastar - elimizdiń damýynyń, ary qarai reforma jasaýynyń negizgi draiveri», - dedi Erlan Sairov.
