Jambyl oblysynda QR Kólik komitetiniń tóraǵasy Áset Asabaev pen «QTJ» UK» AQ basqarma tóraǵasy Qanat Alpysbaevtyń qatysýymen 17 maýsymda Astana-Almaty poiyzynyń apatqa ushyraýyna qatysty brifing ótti, dep habarlaidy "Ult aqparat" QR Investitsiialar jáne damý ministrliginiń baspasóz qyzmetine silteme jasap.
Baspasóz málimetterine qaraǵanda, brifing barysynda jýrnalisterge osy oqiǵaǵa qatysty qurylǵan komissiianyń jumysy týraly aityldy.
Qazirgi ýaqytta komissiia jol ýchaskesi infraqurylymynyń tehnikalyq jaǵdaiyn zerttep, jyljymaly quramnyń instrýmentaldy ólshemderi júrgiziledi.
Budan bólek, komissiia jolaýshylar poiyzyna kórshiles jolmen ótip bara jatqan júk quramy bar poiyzdyń júrip ótýin uiymdastyrdy. Eksperiment eki poiyzdyń joldarmen ótý kezinde bir birimen qaqtyǵysý múmkindigin joidy. Júk poiyzy men jolaýshylar poiyzynyń qaqtyǵysýy ekinshisi joldan shyǵyp ketkennen keiin bolǵan.
Tergeýge qazaqstandyq jáne reseilik mamandar tartyldy.
Olar ǵylymi-tehnikalyq zertteý men poiyzdyń jaǵdaiyn modeldeidi. Komissiia sarapshylardyń jumys nátijelerin apattyń sebep-saldaryn anyqtaýda eskeretin bolady.
Tergeý nátijeleri boiynsha tiisti sharalar qoldanylady. Qazirgi ýaqytta Komitet barlyq temirjol ýchaskelerindegi poiyzdardyń qozǵalys qaýipsizdigin qamtamasyz etýdi qatań baqylaýǵa aldy.
18 maýsym kúni saǵat 14:30-da apat bolǵan jerde jóndeý jáne qalpyna keltirý jumystary bastaldy. Oǵan 9 birlik tehnika, 300 jumysshy tartyldy. Jumystardy 23:00-ge deiin aiaqtaý josparlanyp otyr. Qozǵalys toqtatylǵan joq, poiyzdar ekinshi jolmen ótip jatyr.
