Jambyl oblysynda poiyz apatynan 12 jastaǵy Aleksei Malnev qaza boldy. Qazirgi ýaqytta onyń otbasy Qaraǵandyǵa balany jerleýge qaityp bara jatyr, - dep habarlaidy Tengrinews.kz tilshisi.
Ata-anasynyń aitýynsha, olar Ystyqkólge bara jatqan. Alaida sapar qaiǵyly jaǵdaimen aiaqtalǵan.
"Men osy poiyzda Leshamen, kúieýimmen jáne kenje ulymmen boldym. Biz 12-vagonda boldyq. Barlyǵy bastalǵanda kenje ulymdy ustap qaldym", - dep eske aldy qaza bolǵan balanyń anasy Olga Malneva.
"Shyǵaiyn dep jatqanbyz. Shýǵa jetip qalǵan edik. Endi mine shyǵamyz dep otyrdyq. Birde barlyǵy aýdarylyp ketti. Men aldynda kele jattym, al artymda ulym, sosyn áielim kenje ulymmen birge. Bastapqyda terbelgendei boldy, sosyn barlyǵy bir sátte aýdarylyp ketti, túsinbei qalasyń. Sodan vagon soǵylyp, alǵa qarai ushyp ketti", - deidi qaza bolǵan jasóspirimniń ákesi Grigorii Malnev.
Sondai-aq, ata-anasy jerleý rásiminiń erteń Qýshoqy aýylynda bolatynyn aitty.
Osyǵan deiin poiyz apatynan qaza bolǵan jasóspirim men zardap shekkenderdiń tizimi jariialanǵan bolatyn.
Sonymen qatar, munyń aldynda QR IDM baspasóz qyzmeti Shý stantsiiasy mańynda poiyzdyń relsten shyǵý sebepterin tekseretin komissiia qurylǵanyn habarlaǵan edi.
"17 maýsymda 13.25-te Saryshaǵan-Shý ýchaskesinde Astana-Almaty baǵytyndaǵy #9/10 poiyzynyń jolaýshylar otyratyn 8 vagony relsten shyǵyp ketti. Tótenshe oqiǵa mashinist temirjoldyń qisaiǵanyn kórip, kólikti shuǵyl tejegeninen keiin boldy. Oqiǵany tekserý úshin QR IDM Kólik komiteti janynan arnaiy komissiia quryldy", - dep habarlaǵan bolatyn QR IDM ókilderi.
Eske salaiyq, keshe, 17 maýsymda saǵat shamamen 14.00-de Jambyl oblysyndaǵy Otar men Shý stantsiialarynyń arasynda tótenshe jaǵdai bolǵan edi. Munyń aldynda úsh vagonnyń relsten shyǵyp ketkeni habarlanǵan bolatyn.
