Portýgaliiadaǵy prezident sailaýynyń birinshi kezeńinde qazirgi memleket basshysy Marselý Rebelý de Soýza aiqyn jeńiske jetti. Onyń kandidatýrasyn daýys bergen sailaýshylardyń 60%-dan astamy qoldaǵan. Osylaisha de Soýza ekinshi mandatqa ie bolady, dep habarlaidy Euronews.
Sailaýda «Toqta» ońshyl partiianyń jetekshisi, ýniversitet professory Andre Ventýraǵa sailaýshylardyń 12% -y daýys bergen. Sotsialisterdiń kandidaty, zańger jáne burynǵy diplomat Ana Gomesh shamamen 11% daýys jinady.
Bul sailaýdy sarapshylar pandemiia men sonyń saldarynan týyndaǵan daǵdarys kezindegi memlekettik saiasatqa senim bildirý dep baǵalady. Portýgaliia ekonomikasy karantin shekteýinen qatty zardap shekken elderdiń qatarynda. Sarapshylar bul kúrdeli áleýmettik problemalardy týdyrady dep qaýiptendi.
Daýys berý qarsańynda Portýgaliiada COVID-19 juqtyrǵandar men aýrýdan qaitys bolǵandardyń sany boiynsha antirekord tirkeldi, osyǵan bailanysty bilik sailaýdy qaýipsiz ótkizýge baǵyttalǵan sharalardy qolǵa aldy.
