Fýtzaldan 2022 jylǵy Eýropa chempiony anyqtaldy, dep habarlaidy QazAqparat.
Qurlyqtyq dodada biyl Portýgaliia jeńis tuǵyrynan kórindi. Atalǵan qurama finalda Reseimen sheberlik baiqasty.
Oiyn barysynda birinshi kezeńde reseilik Anton Sokolov (9), Andrei Afanasev 12-minýttarda mergendigimen kózge tússe, oǵan portýgaldyq Tomash Paký 18-minýtta bir golmen jaýap qaiyrdy.
Ekinshi kezeńde Portýgaliia sapynan Andre Koeliý 26, 31-minýttarda qos gol soqsa, Pani Barela 39-minýtta qorytyndy esepti belgiledi. Osylaisha Portýgaliia Reseiden 4:2 esebimen basym túsip, qatarynan eki márte Eýropa chempiony atandy. Olar 2018 jyly altynnan alqa taqqan bolatyn.
Al 3-oryn úshin básekede Ispaniia Ýkrainadan 4:1 esebimen basym túsip, qola júldege qol sozdy.
Eske salsaq, biylǵy qurlyqtyq dodada Qazaqstan quramasy da básekege tústi. V tobynda baq synaǵan otandastarymyz alǵashqy oiynda Sloveniiamen (4:4) teń túsip, odan keiin Finliandiiany (6:2) jáne Italiiany 4:1 esebimen tize búktirdi. Nátijesinde 7 upaimen birinshi oryn aldy. Al shirek finalda Ýkrainaǵa 3:5 esebimen jol berdi.
Eýropa chempionaty 1996 jyldan beri turaqty ótkizilip keledi. Búginge deiin Ispaniia - 7, Italiia - 2, Resei men Portýgaliia 1 márte chempion atanǵan bolatyn.
