Ýkraina prezidenti Petr Poroshenko Donetsk jáne Lýgansk oblystaryndaǵy ýkraindyq kásiporyndardy "ulttandyryp" alǵandarǵa qarsy sanktsiiany kúsheitýdi talap etemin dep málimdedi.
Kievte Ulybritaniia jáne Polsha syrtqy ister ministrleri Boris Djonson jáne Vitold Vashchikovskiimen kezdesý kezinde Poroshenko "aktivterdi tárkilegenderge" qarsy halyqaralyq jáne ýkraina zańdaryn buzǵandary úshin sanktsiialardy keńeitýdi talap etemin dedi.
Poroshenko "Reseidiń ózderin ózderi jariialaǵan DHR/LHR qujattaryn moiyndaýy, endi de-fakto Reseidiń ýkrain aktivterin (memlekettik, jeke) tárkilegeni bolady. Bul Resei Federatsiiasynyń Ýkrainanyń shyǵysyn basyp alǵanynyń taǵy bir kórinisi" dedi.
Ýkraina prezidenti bul aimaqtarǵa "rýbl aimaǵyn" engizip jatqanyn, Reseiden gaz jáne elektr energiiasyn tasymaldap jatqanyn da aitty.
Ózderin ózderi jariialaǵan Donetsk jáne Lýgansk halyqtyq respýblikalary 1 naýryzdan bastap atalǵan aimaqtaǵy barlyq kásiporyndardy ózderiniń baqylaýlaryna alǵan.
