ۋكراينا پرەزيدەنتٸ پەتر پوروشەنكو دونەتسك جەنە لۋگانسك وبلىستارىنداعى ۋكرايندىق كەسٸپورىنداردى "ۇلتتاندىرىپ" العاندارعا قارسى سانكتسييانى كٷشەيتۋدٸ تالاپ ەتەمٸن دەپ مەلٸمدەدٸ.
كيەۆتە ۇلىبريتانييا جەنە پولشا سىرتقى ٸستەر مينيسترلەرٸ بوريس دجونسون جەنە ۆيتولد ۆاششچيكوۆسكييمەن كەزدەسۋ كەزٸندە پوروشەنكو "اكتيۆتەردٸ تەركٸلەگەندەرگە" قارسى حالىقارالىق جەنە ۋكراينا زاڭدارىن بۇزعاندارى ٷشٸن سانكتسييالاردى كەڭەيتۋدٸ تالاپ ەتەمٸن دەدٸ.
پوروشەنكو "رەسەيدٸڭ ٶزدەرٸن ٶزدەرٸ جارييالاعان دحر/لحر قۇجاتتارىن مويىنداۋى, ەندٸ دە-فاكتو رەسەيدٸڭ ۋكراين اكتيۆتەرٸن (مەملەكەتتٸك, جەكە) تەركٸلەگەنٸ بولادى. بۇل رەسەي فەدەراتسيياسىنىڭ ۋكراينانىڭ شىعىسىن باسىپ العانىنىڭ تاعى بٸر كٶرٸنٸسٸ" دەدٸ.
ۋكراينا پرەزيدەنتٸ بۇل ايماقتارعا "رۋبل ايماعىن" ەنگٸزٸپ جاتقانىن, رەسەيدەن گاز جەنە ەلەكتر ەنەرگيياسىن تاسىمالداپ جاتقانىن دا ايتتى.
ٶزدەرٸن ٶزدەرٸ جارييالاعان دونەتسك جەنە لۋگانسك حالىقتىق رەسپۋبليكالارى 1 ناۋرىزدان باستاپ اتالعان ايماقتاعى بارلىق كەسٸپورىنداردى ٶزدەرٸنٸڭ باقىلاۋلارىنا العان.
