AQSh-tyń memlekettik hatshysy Maik Pompeo Iran turǵyndaryn biliktiń narazylardy "qýdalaǵanyn" dáleldeitin foto-video aiǵaq jiberýge shaqyryp, Vashington "zańbuzýshylyqtar" úshin sanktsiia salady, - dep málimdedi.
"Irandaǵy narazylardan rejimniń qýdalaǵanyn dáleldeitin foto, video jáne ózge de aqparat joldaýyn suradym. AQSh [ol derekti] jariialap, sol úshin sanktsiia salady" dep jazdy Pompeo 21 qarashada Twitter-degi paraqshasynda. Ol jazbasyn aǵylshyn jáne parsy tilinde jazǵan.
Benzin baǵasynyń qymbattaýy men janar-jaǵar mai tapshylyǵynan týyndaǵan narazylyqty basý úshin qatań kúsh qoldanǵan Iran biligin buǵan deiin halyqaralyq uiymdar aiyptaǵan.
BUU-nyń adam quqyǵy jónindegi joǵarǵy komissar basqarmasy jariialaǵan derekke sáikes, politsiiamen qaqtyǵys kezinde "ondaǵan adam qaza taýyp, jaralanǵan bolýy múmkin". Halyqaralyq Amnesty International quqyq qorǵaý uiymy Irannyń túrli aimaǵynda jalpy sany 106 adamnyń ólgeni týraly derek baryn habarlaǵan.
