اقش-تىڭ مەملەكەتتٸك حاتشىسى مايك پومپەو يران تۇرعىندارىن بيلٸكتٸڭ نارازىلاردى "قۋدالاعانىن" دەلەلدەيتٸن فوتو-ۆيدەو ايعاق جٸبەرۋگە شاقىرىپ, ۆاشينگتون "زاڭبۇزۋشىلىقتار" ٷشٸن سانكتسييا سالادى, - دەپ مەلٸمدەدٸ.
"يرانداعى نارازىلاردان رەجيمنٸڭ قۋدالاعانىن دەلەلدەيتٸن فوتو, ۆيدەو جەنە ٶزگە دە اقپارات جولداۋىن سۇرادىم. اقش [ول دەرەكتٸ] جارييالاپ, سول ٷشٸن سانكتسييا سالادى" دەپ جازدى پومپەو 21 قاراشادا Twitter-دەگٸ پاراقشاسىندا. ول جازباسىن اعىلشىن جەنە پارسى تٸلٸندە جازعان.
بەنزين باعاسىنىڭ قىمباتتاۋى مەن جانار-جاعار ماي تاپشىلىعىنان تۋىنداعان نارازىلىقتى باسۋ ٷشٸن قاتاڭ كٷش قولدانعان يران بيلٸگٸن بۇعان دەيٸن حالىقارالىق ۇيىمدار ايىپتاعان.
بۇۇ-نىڭ ادام قۇقىعى جٶنٸندەگٸ جوعارعى كوميسسار باسقارماسى جارييالاعان دەرەككە سەيكەس, پوليتسييامەن قاقتىعىس كەزٸندە "ونداعان ادام قازا تاۋىپ, جارالانعان بولۋى مٷمكٸن". حالىقارالىق Amnesty International قۇقىق قورعاۋ ۇيىمى يراننىڭ تٷرلٸ ايماعىندا جالپى سانى 106 ادامنىڭ ٶلگەنٸ تۋرالى دەرەك بارىن حابارلاعان.
