AQSh memlekettik hatshysy Maik Pompeo osy aptada Eýropaǵa barǵan saparynda Vashington Qytai yqpalyna qarsy turatyn halyqaralyq koalitsiia qurǵysy keledi dep málimdedi. Memlekettik hatshy Pekindi pandemiiany jeke múddesine paidalandy dep aiyptady.
Pompeo 21 shildede Londonda Ulybritaniianyń premer-ministri Boris Djonson jáne syrtqy ister ministri Dominik Raabpen "ashyq" kelissóz júrgizgennen keiin osyndai málimdeme jasaǵan. Vashington Pekindi koronavirýs indeti týraly shyndyqty jasyrdy, adam quqyǵyn buzdy jáne kiberqaraqshylyqpen ainalysty dep aiyptap otyrǵan kezde osyndai aqparat shyǵyp otyr.
Pompeo memleketterdi "erkindik pen demokratiianyń qadirin túsinip, baǵalaýǵa" jáne Qytai tarapynan tóngen qaýipti moiyndaýǵa shaqyrdy. AQSh memlekettik departamentiniń basshysy britan premerimen kelissózderdiń "konstrýktivti" ótkenin jetkizdi.
Taraptar ózge máselelermen qatar Gonkongtegi jaǵdai, Qytai batysyndaǵy Shyńjańda adam quqyǵynyń buzylýy, mobildi bailanys boiynsha qytai tehnologiiasynyń álemge taralý máselesin talqylaǵan.
