AQSh Belarýste adam quqyǵyn buzý jáne qýdalaý faktilerine qatysy bar resmi tulǵalarǵa sanktsiia salý jaǵyn qarastyryp jatyr. Bul týraly AQSh memlekettik hatshysy Maik Pompeo málimdedi.
8 qyrkúiek kúni memlekettik hatshy Belarýs oppozitsiiasy qurǵan úilestirý keńesiniń múshesi Mariia Kolesnikovany urlap áketý jaily habarlamaǵa alańdaitynyn da jetkizdi.
Buǵan deiin Kolesnikova men úilestirý keńesiniń taǵy eki múshesin ustap, elden kúshpen shyǵaryp jibermek bolǵany týraly aqparat taraǵan edi. Keibir aqparat quraldarynyń jazýynsha, Kolesnikova budan bas tartyp, shekarada pasportyn jyrtyp tastaǵan. Pompeo ádil sailaýdy talap etip, biliktiń qýǵyn-súrginine qarsy turǵan Kolesnikova men úilestirý keńesiniń ózge eki múshesiniń batyldyǵyn joǵary baǵalaitynyn jetkizgen.
Belarýs shekarashylary seisenbi kúni Kolesnikovany Ýkrainamen shekarada ustaǵanyn aitqan bolatyn. Aqparat boiynsha, ol shekara pýnktine 8 qyrkúiekte tańǵy bes shamasynda úilestirý keńesiniń ózge músheleri Antonom Rodnenkov pen Ivan Kravtsovpen kólikpen birge jetken.
Seisenbi kúni Kievte ótken baspasóz máslihatynda Rodnenkov Kolesnikova kólikten sytylyp shyǵyp, pasportyn jyrtyp, Belarýs jaǵyna qaityp ketti, sol jerde ustaldy dep málimdedi.
