اقش بەلارۋستە ادام قۇقىعىن بۇزۋ جەنە قۋدالاۋ فاكتٸلەرٸنە قاتىسى بار رەسمي تۇلعالارعا سانكتسييا سالۋ جاعىن قاراستىرىپ جاتىر. بۇل تۋرالى اقش مەملەكەتتٸك حاتشىسى مايك پومپەو مەلٸمدەدٸ.
8 قىركٷيەك كٷنٸ مەملەكەتتٸك حاتشى بەلارۋس وپپوزيتسيياسى قۇرعان ٷيلەستٸرۋ كەڭەسٸنٸڭ مٷشەسٸ مارييا كولەسنيكوۆانى ۇرلاپ ەكەتۋ جايلى حابارلاماعا الاڭدايتىنىن دا جەتكٸزدٸ.
بۇعان دەيٸن كولەسنيكوۆا مەن ٷيلەستٸرۋ كەڭەسٸنٸڭ تاعى ەكٸ مٷشەسٸن ۇستاپ, ەلدەن كٷشپەن شىعارىپ جٸبەرمەك بولعانى تۋرالى اقپارات تاراعان ەدٸ. كەيبٸر اقپارات قۇرالدارىنىڭ جازۋىنشا, كولەسنيكوۆا بۇدان باس تارتىپ, شەكارادا پاسپورتىن جىرتىپ تاستاعان. پومپەو ەدٸل سايلاۋدى تالاپ ەتٸپ, بيلٸكتٸڭ قۋعىن-سٷرگٸنٸنە قارسى تۇرعان كولەسنيكوۆا مەن ٷيلەستٸرۋ كەڭەسٸنٸڭ ٶزگە ەكٸ مٷشەسٸنٸڭ باتىلدىعىن جوعارى باعالايتىنىن جەتكٸزگەن.
بەلارۋس شەكاراشىلارى سەيسەنبٸ كٷنٸ كولەسنيكوۆانى ۋكراينامەن شەكارادا ۇستاعانىن ايتقان بولاتىن. اقپارات بويىنشا, ول شەكارا پۋنكتٸنە 8 قىركٷيەكتە تاڭعى بەس شاماسىندا ٷيلەستٸرۋ كەڭەسٸنٸڭ ٶزگە مٷشەلەرٸ انتونوم رودنەنكوۆ پەن يۆان كراۆتسوۆپەن كٶلٸكپەن بٸرگە جەتكەن.
سەيسەنبٸ كٷنٸ كيەۆتە ٶتكەن باسپاسٶز مەسليحاتىندا رودنەنكوۆ كولەسنيكوۆا كٶلٸكتەن سىتىلىپ شىعىپ, پاسپورتىن جىرتىپ, بەلارۋس جاعىنا قايتىپ كەتتٸ, سول جەردە ۇستالدى دەپ مەلٸمدەدٸ.
