Túrkistan oblysynda polshalyq investorlar talshyqty-optikalyq júieler shyǵaratyn zaýyt salady. Zamanaýi tehnologiialar Túrkistan qalasy aýmaǵyndaǵy jańa ákimshilik ǵimarattar men turǵyn úi keshenderin salý kezinde qoldanylmaq, dep habarlaidy "Ult aqparat".
«Túrkistan» ÁKK» AQ filialy - «TURKISTAN INVEST» kompaniiasynyń syrtqy bailanystar jónindegi basqarýshy direktory Baian Kaiýpovanyń málimetinshe, mundai sheshim sheteldik kásipkerlerdiń Túrkistanǵa arnaiy sapary barysynda qabyldanǵan. TURKISTAN INVEST basshylyǵy men polshalyq FCA kompaniiasynyń ókilderi arasynda kezdesken.
Atalǵan kompaniia - Polshadaǵy optikalyq televiziialyq júieler men bailanys jelilerin qurý úshin paidalanylatyn talshyqty-optikalyq júieler salasynda qyzmet etip júrgen eń iri kompaniialardyń biri. Onyń ónimderi joǵary sapaly, únemdi, berik jáne ádemi dizainda shyǵarylady. Taǵy bir mańyzdy tusy - óndirilgen ónim baǵalary naryqtyq baǵadan tómen bolady, jáne de Túrkistan óńirindegi talshyqty-optikalyq júieler salasyndaǵy tuńǵysh óndiris oshaǵy bolmaq. Aldaǵy ýaqytta jobany júzege asyrý jáne iske qosý aiasynda jergilikti mamandar Polshada kásibi oqýdan ótedi.
Kezdesý qorytyndysy boiynsha taraptar ortaq jumys josparyn túzýge kelisti. Oǵan sáikes TURKISTAN INVEST qyzmetkerleri jobanyń ár kezeńinde investorlarǵa súiemeldeý kórsetedi.
Sonymen qatar, Túrkistan oblysyna jasaǵan is-sapar aiasynda poliak kásipkerleri Ahmet Iasaýi atyndaǵy Halyqaralyq qazaq-túrik ýniversitetiniń basshylyǵymen kezdesti. FCA ókilderi telekommýnikatsiia jáne bailanys salasynda qajetti kadrlardy daiarlaýda ýniversitetpen yntymaqtastyq ornatýǵa niet bildirdi. Kelissóz barysynda bolashaq mamandar teoriiany tájiribemen biriktirýge qolaily zerthana qurý týraly usynys aityldy. Óz kezeginde, HQTÝ basshylary ózara tiimdi áriptestikke daiyn ekendikterin bildirdi.
Aita keteiik, TURKISTAN INVEST kompaniiasy men FCA poliak kompaniiasy arasyndaǵy yntymaqtastyq 2018 jyldyń qyrkúieginde Túrkistan qalasynda ótken «Ejelgi Túrkistan - jańa múmkindikter» atty halyqaralyq forým aiasynda bastalǵan bolatyn.
