Qazaqstannyń Polshadaǵy qurmetti konsýly Eji Starak Arys turǵyndaryna gýmanitarlyq kómek jiberedi, – dep habarlaidy "Ult aqparat".
«Shymkenttegi «Santo-Himfarm» AQ farmatsevtikalyq kompaniiasynyń negizgi investory, Qazaqstannyń Polshadaǵy qurmetti konsýly Eji Starak Arysta bolǵan jarylystan zardap shekken turǵyndarǵa kómek retinde Túrkistan oblysynyń aýrýhanalary men emhanalaryna dárilik zattar, tósek jabdyqtary men basqa da sanitarlyq-gigienalyq quraldardy tegin jiberip, gýmanitarlyq kómek kórsetý týraly sheshim qabyldady. Sondai-aq jeke aqshalai qarajatty qaiyrymdylyqqa aýdarady», - dep málim etti QR-dyń Polshadaǵy elshiliginen.
Diplomatiialyq missiiadan atap ótkendei, «Polfarma» kontserni jetekshi farmatsevtikalyq óndirýshilerdiń biri sanalady. Ol qazirgi ýaqytta Qazaqstanǵa 108 mln AQSh dollary kóleminde investitsiia quiǵan. Respýblikadaǵy barlyq farmatsevtikalyq investitsiianyń úshten bir bóligin qurap otyr. Taiaý ýaqytta poliak investory investitsiialyq salymnyń somasyn arttyrýdy josparlaýda.
