Varshavada «Tabysqa jetý tarihy: Qazaqstan memlekettiliginiń 30 jyldyǵy jáne bolashaqtaǵy syn-qaterler» atty halyqaralyq pikir almasý seminary ótti, dep habarlaidy "Ult aqparat" QR Syrtqy iter ministrliginiń baspasóz qyzmetine silteme jasap.
Mereitoiǵa qatysty is-sharany Qazaqstan Elshiligi jáne Polshanyń Mihal Boim atyndaǵy Aziialyq jáne jahandyq zertteýler institýty birlese uiymdastyrdy.
Konferentsiia spikerleriniń quramyna Polsha Prezidenti (1995-2005 jj.) Aleksandr Kvasnevskii, Qazaqstan SIM janyndaǵy Syrtqy saiasi zertteýler institýtynyń Basqarma tóraǵasy Bolat Nurǵaliev jáne Halyqaralyq uiymdar jáne integratsiialyq úderister basqarmasynyń basshysy Mádina Jarbosynova, «Polpharma tobynyń» prezidenti – Qazaqstannyń Polshadaǵy Qurmetti konsýly Eji Starak, «Selena tobynyń» negizin qalaýshy Kshishtof Domaretskii, sondai-aq Qazaqstan SIM Investitsiialar komitetiniń tóraǵasy mindetin atqarýshy Ardaq Zebeshev siiaqty kórnekti saiasatkerler men biznes qurylymdardyń basshylary kirdi.
Sonymen qatar, seminar jumysyna Qazaqstan, Polsha jáne Eýropalyq odaqtyń salalyq memlekettik organdarynyń jáne saraptamalyq-taldaý toptarynyń ókilderi qatysty.
Óz sózinde Qazaqstan Elshisi Álim Qirabaev aýditoriiany memleketimizdiń negizgi jetistikterimen tanystyryp, onyń iadrolyq qarýǵa qarsy qozǵalys protsesine qosqan qomaqty úlesine jáne bitimgershilik bastamalaryna erekshe kóńil aýdardy.
Qatysýshylardyń nazaryna sondai-aq Prezident Qasym-Jomart Toqaevtyń bastamasymen Qazaqstanda júrgizilip jatqan saiasi jáne áleýmettik-ekonomikalyq ózgerister týraly aqparat usynyldy.
A, Kvasnevskii óz sózinde Qazaqstannyń álemniń kóptegen memleketteri úshin úlgi bola alatyn jaýapty, beibitsúigish saiasatyna jáne ulttyq kelisimine nazar aýdara otyryp, tarihi turǵydan alǵanda qysqa merzimde elimizdiń qol jetkizgen tabystaryn atap ótti.
Oraily sátti paidalana otyryp, ol Elbasy Nursultan Nazarbaev pen Prezident Qasym-Jomart Toqaevqa jáne barsha qazaqstandyqtarǵa táýelsizdiktiń 30-jyldyǵyna orai óziniń quttyqtaýlary men izgi tilekterin jetkizýdi surady.
Seminar alańynda táýelsizdik alǵannan beri Qazaqstanda júrgizilgen negizgi reformalardyń nátijeleri, pandemiiadan keiingi kezeńde eki el aldynda turǵan ortaq syn-qaterler, Qazaqstannyń Polshamen jáne Eýroodaqpen yntymaqtastyqtyń ózge de ózekti máselelerdi talqylandy.
Pikirtalas barysynda qatysýshylar Qazaqstan Respýblikasynyń saiasi jáne qoǵamdyq-ekonomikalyq damýy, syrtqy saiasatyna qatysty saraptamalyq pikirlermen almasyp, qundy praktikalyq usynystar berdi.
