Polshada Abai Qunanbaiulynyń 175 jyldyǵyna arnalǵan poshta markasy shyǵaryldy, dep habarlaidy "Ult aqparat".
QR Syrtqy ister ministrliginen málim etkendei, poshta markasyn shyǵarý jobasyn uly aqynnyń mereitoiyn merekeleý aiasynda Qazaqstannyń Varshavadaǵy Elshiliginiń bastamasymen «Pochta Polska» AQ júzege asyrdy.
Markanyń tanystyrylymy «Pochta Polska» kompaniiasynyń ortalyq ǵimaratynda ótti.
Qazaqstannyń Polshadaǵy Elshisi Álim Qirabaev qazirgi urpaqty adaldyq pen ádilettilik qaǵidalaryn basshylyqqa alýǵa, sondai-aq óz halqyna qyzmet etýge jáne bilim berýge umtylýǵa shaqyryp, shabyttandyratyn uly jazýshynyń filosofiialyq ideialarynyń jáne ólmes ádebi murasynyń ózektiligin atap ótti.
«Pochta Polska» AQ tóraǵasy Tomash Zdzikota eki el arasyndaǵy filateliia salasyndaǵy jemisti jáne uzaq merzimdi yntymaqtastyǵyna toqtalyp, uly qazaq aǵartýshysynyń beinesi salynǵan poshtalyq markasy filatelistter arasynda úlken qyzyǵýshylyq týdyryp, birlesken sátti jobalardyń dáleli bolatynyna senim bildirdi.
Is-shara barysynda Polsha Respýblikasy Syrtqy ister ministrliginiń Departament direktory Ia.Hofmokl Abaidyń shyǵarmashylyq murasynyń mańyzdylyǵy men aýqymyn aita otyryp, 2001 jyly Qazaqstanǵa jasaǵan sapary kezinde Rim Papasy Ioann Pavel II-shi dáieksóz jasaǵan Abaidyń «Qara sózder» áigili ádebiet shyǵarmashylyǵymen tyndaýshylardy tanysýǵa shaqyrdy», - dedi QR SIM-nen.
Abaidyń 175 jyldyǵyn merekeleý aiasynda ótkizilgen is-shara poliak aýditoriiasyn Qazaqstan halqynyń mádeni murasymen jáne rýhani bailyǵymen tanystyrýǵa jaqsy múmkindik berdi.
Kezdesý sońynda Elshi poliak tarapyna poliak tilindegi Abaidyń «Qara sózder» kitabynyń birneshe danasyn tabystady.
