Alaiaqtyq jasady degen kúdikpen izdeýde júrgen qazaqstandyq Polsha-Ýkraina shekarasynda bótenniń tólqujatymen ustaldy. Politsiia er adamnyń ýkraindyq bosqynnyń atyn jamylyp Polshaǵa ótpek bolǵanyn aitty, - dep habarlaidy Tengrinews.kz.
Pavlodar oblysynyń politsiia departamenti baspasóz qyzmetiniń málimetinshe, Polshanyń tártip saqshylary 51 jastaǵy qazaqstandyqty Býdome baqylaý-ótkizý beketinde memlekettik shekarany kesip ótý kezinde ustaǵan.
"Ustaý kezinde izdeýde júrgen azamat bizdiń eldiń azamaty bola tura, Qyrǵyzstan Respýblikasy azamatynyń tólqujatyn kórsetken. Er adam alaiaqtyq jasaǵany úshin izdeýde júrgen, oǵan QR QK 190-babynyń 3-bóligi boiynsha aiyp taǵylǵan. Er adam 2006 jyldan beri sottan jasyrynyp kelgen. Qazirgi ýaqytta kúdiktini Qazaqstanǵa ekstraditsiialaý máselesi qaralyp jatyr", - dedi Pavlodar oblysy politsiia departamentiniń basshysy Vasilii Skliar.
Politsiia er adamnyń Ýkrainadan Polshaǵa bara jatqanyn atap ótti. Tártip saqshylary onyń ýkrain bosqynynyń atyn jamylyp Polsha shekarasyn kesip ótpek bolǵanyn joqqa shyǵarmaidy.
