Foto ©REUTERS
Varshava reseilik gazdy paidalanbai eldiń energetikalyq sektorynyń jumysyn tolyq qamtamasyz etýge daiyn ekenin málimdedi, - dep habarlaidy Tengrinews.kz tilshisi poliaktyń Forsal saityna silteme jasap.
Gaz-System poliak gaz qubyrlary jelisiniń operator-kompaniiasynyń basshysy Tomash Stempen poliak gaz júiesi qazirdiń ózinde shyǵys baǵyttan gaz jetkizýdi toqtatýǵa tolyq daiyn ekenin málimdedi.
"Búgin, 2022 jyldyń sáýirinde Polshanyń gaz júiesi Polshaǵa barlyq shyǵys kireberisterin jabýǵa daiyn jáne is júzinde tutynýshylarǵa jetkizýdi shekteý qajettiliginsiz daǵdarysty basqarýdy qajet etpeidi",-dedi Stempen.
2022 jyldyń qyrkúieginde Norvegiia Daniia arqyly Polshaǵa jylyna 10 milliard tekshe metr gaz shyǵaratyn jańa Baltic Pipe gaz qubyry iske qosylady dep kútilip otyr. Joldyń poliak bóligi 98-99 paiyzǵa daiyn. 2023 jyldyń qańtarynda osy gaz qubyry arqyly saǵatyna 1,1 million tekshe metr gaz ótedi, dep atap ótti Gaz-System basshysy.
"Qoimalardy toltyrý deńgeii joǵary. Kún saiyn biz úlken kólemde gaz qosamyz. Qoimalar qazirdiń ózinde 80 paiyzǵa jýyq toltyryldy", - dedi Stempen. Aitýynsha poliak qoimalarynyń syiymdylyǵy 3,81 milliard tekshe metr gazdy quraidy.
Buǵan deiin Polsha úkimeti reseilik kómirdi jetkizýge tyiym salý týraly sheshim qabyldady.
