Polsha Respýblikasynyń prezidenti Andjei Dýda Qazaqstanǵa memlekettik saparmen keldi. Memleket basshysy Nursultan Nazarbaev Aqordada Polsha basshysyn qarsy aldy, dep habarlaidy Baq.kz tilshisi.
Polsha Qazaqstannyń Ortalyq jáne Shyǵys Eýropadaǵy mańyzdy syrtqy ekonomikalyq áriptesteriniń biri sanalady. Qazaqstan men Polsha arasyndaǵy taýar ainalymy Polshanyń búkil Ortalyq Aziia elderimen saýda-sattyq kóleminiń 80 paiyzyn quraidy.
«Atameken» UKP málimetine súiensek, búgingi kúni qos memleket arasynda 24 halyqaralyq kelisimshart bekitilgen. Taraptar taǵy 15 qujat jobasyn qarastyrmaq. Olardyń ishinde aldaǵy biznes-forým aiasynda qol qoiylatyn aimaqaralyq yntymaqtastyq salasy da bar.
Aita keteiik, búgin Polsha basshysy men Elbasy Nursultan Nazarbaev Astanada ótip jatqan Qazaqstan-Polsha biznes forýmyna qatyspaq. Sondai-aq, Andjei Dýdanyń sapary «EKSPO» kórmesindegi Polsha aptalyǵyna orailastyrylyp otyr.
