Qazaqstandyq "Patrýl" serialy Polsha kórermenderine jol tartpaq. Bul týraly týyndyny túsirgen “BAS production” ujymynyń múshesi, belgili telejúrgizýshi, stsenarist, film ideiasynyń avtory Marat Oralǵazin málim etti, dep habarlaidy "Ult aqparat".
““BAS production” stýdiiasynyń týyndysy - “Patrýl” serialy endi Polshada túsirile bastady!
Biz jazǵan stsenarii men formattyń franshizasyn Polsha eli satyp aldy. Túsirilim bastalyp ketti. Jýyrda Polsha kórermenderi qazaqstandyq serialdyń adaptatsiiasyn kóre alady. Qatelespesem, bul - shetelge franshiza, format retinde satylǵan alǵashqy TV ónim!”, – dep jazdy Oralǵazin jelidegi paraqshasynda.
Stsenarist qazaqtyń týyndysy Eýropada baǵalanyp jatqany shyǵarmashylyq ujymdar úshin úlken motivatsiia ekenin atap ótti.
“Bizdiń ujym úshin bul - úlken jetistik, ári mártebe! Jańa beles! Bastysy baǵyt aiqyn. Bul tek bastamasy bolsyn.
Kreativti ekonomika degen osy ma, aǵaiyn? Qazaqtyń qolynan bári keledi! Óz qolymyzdan, oiymyzdan shyqqan dúnie Eýropada baǵalanyp jatqany barlyǵymyz úshin úlken motivatsiia. Múmkin emes eshnárse joq. Eńbek bárin jeńbek! Bul álemdik indýstriiadaǵy Qazaqstan ekspansiiasynyń bastamasy ǵana dep seneiik!”, – dedi Marat Oralǵazin.
