قازاقستاندىق "پاترۋل" سەريالى پولشا كٶرەرمەندەرٸنە جول تارتپاق. بۇل تۋرالى تۋىندىنى تٷسٸرگەن “BAS production” ۇجىمىنىڭ مٷشەسٸ, بەلگٸلٸ تەلەجٷرگٸزۋشٸ, ستسەناريست, فيلم يدەياسىنىڭ اۆتورى مارات ورالعازين مەلٸم ەتتٸ, دەپ حابارلايدى "ۇلت اقپارات".
““BAS production” ستۋديياسىنىڭ تۋىندىسى - “پاترۋل” سەريالى ەندٸ پولشادا تٷسٸرٸلە باستادى!
بٸز جازعان ستسەناريي مەن فورماتتىڭ فرانشيزاسىن پولشا ەلٸ ساتىپ الدى. تٷسٸرٸلٸم باستالىپ كەتتٸ. جۋىردا پولشا كٶرەرمەندەرٸ قازاقستاندىق سەريالدىڭ اداپتاتسيياسىن كٶرە الادى. قاتەلەسپەسەم, بۇل - شەتەلگە فرانشيزا, فورمات رەتٸندە ساتىلعان العاشقى تۆ ٶنٸم!”, – دەپ جازدى ورالعازين جەلٸدەگٸ پاراقشاسىندا.
ستسەناريست قازاقتىڭ تۋىندىسى ەۋروپادا باعالانىپ جاتقانى شىعارماشىلىق ۇجىمدار ٷشٸن ٷلكەن موتيۆاتسييا ەكەنٸن اتاپ ٶتتٸ.
“بٸزدٸڭ ۇجىم ٷشٸن بۇل - ٷلكەن جەتٸستٸك, ەرٸ مەرتەبە! جاڭا بەلەس! باستىسى باعىت ايقىن. بۇل تەك باستاماسى بولسىن.
كرەاتيۆتٸ ەكونوميكا دەگەن وسى ما, اعايىن? قازاقتىڭ قولىنان بەرٸ كەلەدٸ! ٶز قولىمىزدان, ويىمىزدان شىققان دٷنيە ەۋروپادا باعالانىپ جاتقانى بارلىعىمىز ٷشٸن ٷلكەن موتيۆاتسييا. مٷمكٸن ەمەس ەشنەرسە جوق. ەڭبەك بەرٸن جەڭبەك! بۇل ەلەمدٸك يندۋستريياداعى قازاقستان ەكسپانسيياسىنىڭ باستاماسى عانا دەپ سەنەيٸك!”, – دەدٸ مارات ورالعازين.
