Polsha parlamentiniń depýtaty ári jergilikti baǵbandar assotsiatsiiasynyń prezidenti Miroslav Malishevskii biylǵy jemis-jidek terý naýqanyna ýkraindardyń ornyna ózbek migranttaryn tartý týraly usynys jasady. Bul týraly Polshanyń Wiadomosci ze swiata basylymy habarlady.
Basylymnyń jazýynsha, Ýkrainada Resei basqynshylyǵyna bailanysty ásker qataryna shaqyrýǵa jaramdy er azamattardyń el aýmaǵynan shyǵýyna tyiym salynǵandyqtan, Polshada biyl jumys kúshi jetispei jatyr. Jylda bul naýqandyq jumysty isteitinder arasynda ýkraindar kóp bolatyn.
"Jumys qoly qat bolyp tur. Birinshiden, júk kóligi men traktor aidap, tyńaitqysh sebý siiaqty kúrdeli jumystardy atqaratyn er azamattar jetispei jatyr" deidi poliak depýtaty.
Miroslav Malishevskii Polsha sharýalarynyń kóbi dalada jemis-jidek shirip jatsa, tutynýshy baǵa kóterilgenine narazy dep shaǵynǵanyn aitady. Sondyqtan tap qazir poliak sharýalary ózbek eńbek migranttaryn maýsymdyq jumysqa tartý múmkindigin qarastyryp jatyr.
Malishevskiidiń málimeti boiynsha, Reseidegi daǵdarysqa bailanysty jumyssyz qalǵan Ózbekstannyń tórt millionnan astam azamaty ol elden otanyna oralǵan. Olar Polshaǵa jumysqa barýǵa yqylasty deidi poliak depýtaty.
