پولشا پارلامەنتٸنٸڭ دەپۋتاتى ەرٸ جەرگٸلٸكتٸ باعباندار اسسوتسياتسيياسىنىڭ پرەزيدەنتٸ ميروسلاۆ ماليشەۆسكيي بيىلعى جەمٸس-جيدەك تەرۋ ناۋقانىنا ۋكراينداردىڭ ورنىنا ٶزبەك ميگرانتتارىن تارتۋ تۋرالى ۇسىنىس جاسادى. بۇل تۋرالى پولشانىڭ Wiadomosci ze swiata باسىلىمى حابارلادى.
باسىلىمنىڭ جازۋىنشا, ۋكراينادا رەسەي باسقىنشىلىعىنا بايلانىستى ەسكەر قاتارىنا شاقىرۋعا جارامدى ەر ازاماتتاردىڭ ەل اۋماعىنان شىعۋىنا تىيىم سالىنعاندىقتان, پولشادا بيىل جۇمىس كٷشٸ جەتٸسپەي جاتىر. جىلدا بۇل ناۋقاندىق جۇمىستى ٸستەيتٸندەر اراسىندا ۋكرايندار كٶپ بولاتىن.
"جۇمىس قولى قات بولىپ تۇر. بٸرٸنشٸدەن, جٷك كٶلٸگٸ مەن تراكتور ايداپ, تىڭايتقىش سەبۋ سيياقتى كٷردەلٸ جۇمىستاردى اتقاراتىن ەر ازاماتتار جەتٸسپەي جاتىر" دەيدٸ پولياك دەپۋتاتى.
ميروسلاۆ ماليشەۆسكيي پولشا شارۋالارىنىڭ كٶبٸ دالادا جەمٸس-جيدەك شٸرٸپ جاتسا, تۇتىنۋشى باعا كٶتەرٸلگەنٸنە نارازى دەپ شاعىنعانىن ايتادى. سوندىقتان تاپ قازٸر پولياك شارۋالارى ٶزبەك ەڭبەك ميگرانتتارىن ماۋسىمدىق جۇمىسقا تارتۋ مٷمكٸندٸگٸن قاراستىرىپ جاتىر.
ماليشەۆسكييدٸڭ مەلٸمەتٸ بويىنشا, رەسەيدەگٸ داعدارىسقا بايلانىستى جۇمىسسىز قالعان ٶزبەكستاننىڭ تٶرت ميلليوننان استام ازاماتى ول ەلدەن وتانىنا ورالعان. ولار پولشاعا جۇمىسقا بارۋعا ىقىلاستى دەيدٸ پولياك دەپۋتاتى.
