Politsiianyń kiim úlgisin ózgertkennen góri kásibi biliktiligin arttyrý qajet edi. Bul týraly búgin «Quqyq qorǵaý organdary qyzmetiniń ashyqtyǵy» atty konferentsiia barysynda QR Bas prokýratýrasy janyndaǵy Quqyqtyq statistika komiteti tóraǵasynyń orynbasary Baqyt Ábishev aitty, dep habarlaidy "Ult aqparat".
«Qazirgi ýaqytta qylmystyq protsesti tsifrlandyrýmen ainalysyp jatyrmyz. Reforma júrgizýdemiz. Eger ony túbegeili júrgizbesek, ókinishke orai bizde eshteńe de shyqpaidy. Bul máselege barynsha tyńǵylyqty daiyndyqpen kelýimiz qajet», - dedi ol.
Onyń aitýynsha, elimizdiń shalǵai aýdandaryndaǵy, eldi mekenderindegi politsiia bólimderi qyzmetkerleriniń kadrlyq áleýeti óte tómen.
«Sondyqtan qazirgi ýaqytta qarjyny olardyń kiim úlgisine emes, eń birinshi kezekte áleýetterin arttyrýǵa, qaita oqytýǵa jumsaǵan durys siiaqty. Materialdyq bazanyń qajettiligi, jalaqylaryn kóterý kerektigi túsinikti. Táýlik boiy jumys isteitin tergeýshiniń jalaqysy júktemege sai kelmeidi. Menińshe, bul durys emes. Kelesi 2019 jyl politsiia organdary júiesin reformalaý úshin mańyzdy jyl bolmaq», - dedi Baqyt Ábishev.
