پوليتسييانىڭ كيٸم ٷلگٸسٸن ٶزگەرتكەننەن گٶرٸ كەسٸبي بٸلٸكتٸلٸگٸن ارتتىرۋ قاجەت ەدٸ. بۇل تۋرالى بٷگٸن «قۇقىق قورعاۋ ورگاندارى قىزمەتٸنٸڭ اشىقتىعى» اتتى كونفەرەنتسييا بارىسىندا قر باس پروكۋراتۋراسى جانىنداعى قۇقىقتىق ستاتيستيكا كوميتەتٸ تٶراعاسىنىڭ ورىنباسارى باقىت ەبٸشەۆ ايتتى, دەپ حابارلايدى "ۇلت اقپارات".
«قازٸرگٸ ۋاقىتتا قىلمىستىق پروتسەستٸ تسيفرلاندىرۋمەن اينالىسىپ جاتىرمىز. رەفورما جٷرگٸزۋدەمٸز. ەگەر ونى تٷبەگەيلٸ جٷرگٸزبەسەك, ٶكٸنٸشكە وراي بٸزدە ەشتەڭە دە شىقپايدى. بۇل مەسەلەگە بارىنشا تىڭعىلىقتى دايىندىقپەن كەلۋٸمٸز قاجەت», - دەدٸ ول.
ونىڭ ايتۋىنشا, ەلٸمٸزدٸڭ شالعاي اۋداندارىنداعى, ەلدٸ مەكەندەرٸندەگٸ پوليتسييا بٶلٸمدەرٸ قىزمەتكەرلەرٸنٸڭ كادرلىق ەلەۋەتٸ ٶتە تٶمەن.
«سوندىقتان قازٸرگٸ ۋاقىتتا قارجىنى ولاردىڭ كيٸم ٷلگٸسٸنە ەمەس, ەڭ بٸرٸنشٸ كەزەكتە ەلەۋەتتەرٸن ارتتىرۋعا, قايتا وقىتۋعا جۇمساعان دۇرىس سيياقتى. ماتەريالدىق بازانىڭ قاجەتتٸلٸگٸ, جالاقىلارىن كٶتەرۋ كەرەكتٸگٸ تٷسٸنٸكتٸ. تەۋلٸك بويى جۇمىس ٸستەيتٸن تەرگەۋشٸنٸڭ جالاقىسى جٷكتەمەگە ساي كەلمەيدٸ. مەنٸڭشە, بۇل دۇرىس ەمەس. كەلەسٸ 2019 جىل پوليتسييا ورگاندارى جٷيەسٸن رەفورمالاۋ ٷشٸن ماڭىزدى جىل بولماق», - دەدٸ باقىت ەبٸشەۆ.
