QR Ishki ister ministrligi jeke kýálik pen bank kartalaryn WhatsApp arqyly joldai bermeýge shaqyrady, dep habarlaidy QazAqparat tilshisi.
«Qaýipsizdik úshin kilt sózderdi (áleýmettik jelide nemese telefonda) jii ózgertip turǵan jón. Sebebi, qazir qolyńyzdaǵy telefonda bári saqtalady. Ómirińizde bir ret bolsyn, WhatsApp arqyly jeke kýáliktiń sýretin jibergen bolarsyzdar. Kei jaǵdaida azamattar bank kartalarynyń da sýretin joldaidy. Mundaidan saqtaný kerek. Óitkeni, bul qujattardyń kóshirmesimen-aq onlain-saýda jasai berýge bolady. Internetti paidalanýdyń qarapaiym erejelelerin saqtaǵan durys», - dedi QR IIM Qylmystyq politsiia departamentiniń kiberqylmysqa qarsy kúres ortalyǵy bastyǵynyń orynbasary Rústem Dúisetaev vedomstvoda ótken baspasóz máslihatynda.
Eske sala ketsek, Rústem Dúisetaev buǵan deiin internet-alaiaqtyqtyń basym bóligi transshekaralyq sipatqa ie ekenin atap ótken bolatyn. Onyń aitýynsha, qolǵa alynǵan sharalardyń arqasynda biyl osyndai myńǵa tarta qylmys ashyldy. Osy qylmystarǵa qatysty 388 adam ustaldy. Olardyń 160-y eki nemese odan da kóp qylmysqa qatysy bar degen kúdikke ilingen.
