Elimizdiń politsiia jáne qylmystyq-atqarý júiesi qyzmetkerleriniń 90 paiyzy koronavirýsqa qarsy vaktsina aldy. Bul jaiynda QR Ishki ister ministrliginiń resmi ókili Nurdildá Oraz málim etti, dep habarlaidy "Ult aqparat".
«Politseiler men qylmystyq-atqarý júiesi qyzmetkerleriniń 90 paiyzdandan astamy COVID-19-ǵa qarsy josparly vaktsinatsiiadan ótti. Ministr Erlan Turǵymbaev bastaǵan IIM basshylyǵy da vaktsina aldy. Elimizdiń bas politseiiniń aitýynsha, jeke quramdy vaktsinatsiialaý osy jyldyń 6 naýryzynan bastap júrgizilýde jáne ishki ister organdarynyń barlyq fýnktsionaldyq jáne aýmaqtyq bólimshelerin, onyń ishinde qylmystyq-atqarý júiesiniń uiymdaryn, ishki áskerler men IIM oqý oryndaryn qamtydy», - dedi ol Ishki ister ministrliginiń baspasóz qyzmeti alańynda ótken brifing barysynda.
Onyń atap ótýinshe, politsiia qyzmetkerleri qylmystardy ashý jáne tergeý, oqiǵa oryndaryn tekserý, tergeý áreketterin júrgizý boiynsha qyzmet atqarady, joldardaǵy qaýipsizdikti qamtamasyz etedi, sondai-aq sanitarlyq beketterde qyzmet etedi. Budan basqa, meditsina qyzmetkerlerimen birge karantindik sharalardy qamtamasyz etýge qatysady. Sondyqtan COVID-19 juqtyrý qaýpi bar.
