Petropavl qalasynda tártip saqshylary politsiia qyzmetkerine shabýyl jasaǵan er adamdy ustady, dep habarlaidy "Ult aqparat".
Áleýmettik jelide Petropavlda politseilerge shabýyl jasalǵany túsirilgen video taratylyp jatyr. Oqiǵa «Voshod» jataqhanasynda oryn alǵan. Kadrlarda jas er adamnyń ózine jaqyndap kele jatqan tártip saqshysyn kórip, ózine pyshaq jaraqattaryn salyp, politseilerdi onymen qorqytyp jatqany kórinip tur. Sol mezette taspa obektivine taǵy bir er adam túsip qaldy. Olar tártip saqshylarymen tóbelese bastady.
Politsiia departamentiniń baspasóz qyzmetinde oqiǵany túsindirip ótti.
«102» nómirine «Voshod» jataqhanasynda eki er adamnyń tóbeles shyǵarǵany týraly habarlama kelip tústi. Oqiǵa ornyna patrýldik politsiia batalonynan quralǵan qyzmetkerler jiberildi. Mán-jaidy anyqtaý barysynda kúdikti er adam qarsylyq retinde quqyq qorǵaý qyzmetkerlerine qarsy kúsh qoldandy.
Atalǵan fakti Sot aldyndaǵy tergeýdiń Biryńǵai tiziliminde «Tártip saqshysyna qatysty zorlyq kórsetý» qylmystyq baby boiynsha tirkelgen», - dep habarlady vedomstvonyń baspasóz qyzmetinen.
Petropavl qalasynyń 29 jastaǵy turǵyny ýaqytsha tergeý oqshaýlaǵyshyna qamaldy. Qajetti tergeý amaldary júrgizilip jatyr, olardyń qorytyndysy boiynsha zańdy protsessýaldyq sheshim qabyldanady.
