Rýdnyida politsiia mashinasynyń kapotyna otyryp, sýretke túsken eki jigit keshirim surady, dep habarlaidy "Ult aqparat".
Oblystyq politsiia departamentiniń baspasóz hatshysy Irina Bejenar aitqandai, jas jigitter buzaqylyq áreketi úshin 7 táýlikke qamaýǵa alyndy.
«Rýdnyi qalasynda 21 jáne 20 jastaǵy eki jas jigit mas kúiinde qoǵamdyq orynda turǵan politsiia qyzmettik kóliginiń kapoty ústinde otyryp, sýretke túsken. Olar sýretti áleýmettik jelilerde taratpaq bolǵan», - deidi I.Bejenar.
Osy fakti boiynsha politsiia qyzmetkerleri quqyq buzýshylarǵa «Usaq buzaqylyq» baby boiynsha ákimshilik hattama toltyrdy. Sot sheshimimen Rýdnyi qalasynyń turǵyndary Ákimshilik quqyq buzýshylyq týraly kodeksiniń 434-babynyń 1-tarmaǵyna sáikes quqyq buzýshylyq jasaǵany úshin kináli dep tanyldy.
