Almatyda Kaspi bólimshesine jasalǵan shabýylǵa kúdikti adamdar ustaldy, dep habarlaidy "Ult aqparat".
Almaty qalasy PD kriminaldyq politsiiasynyń habarlaýynsha, osy qylmysty jasady degen kúdikpen 35, 34 jáne 28 jastaǵy úsh adam ustaldy. Eki er adamdy Almaty qalalyq kriminaldyq politsiia jedel ýákilderi ustady.
Úshinshi kúdiktini dál qazir Oral qalasynda Batys Qazaqstan oblysynyń PD qyzmetkerleri ustady. Aiǵaqzat retinde urlanǵan qarajat tárkilenip, QR QK-niń 192-baby, 3-bólimi boiynsha Almaly aýdandyq politsiia Basqarmasynyń qylmystyq is materialdaryna tirkelgen.
Aita ketý kerek, Almatyda 15 qazanda Kaspi bank bólimshesine shabýyl jasalǵan bolatyn.
Belgisiz adamdar bank qyzmetkerlerin qarýmen qorqytyp, aldyn ala málimetter boiynsha, 2 mln teńgeni alyp ketken. Qaraqshylardyń biri baltamen kassanyń shyny terezesin syndyryp, ishke engen.
Qaraqshylar qoldanǵan ańshy myltyǵy solardyń birine tiesili ekendigi anyqtaldy. Ustalǵandar qamaýǵa alyndy.
