Nur-Sultan qalalyq politsiia departamenti soqqyǵa jyǵylǵan júrgizýshi áielge qatysty áleýmettik jelide taraǵan video boiynsha tergeý amaldaryn júrgizip jatyr.
«Nur-Sultan qalalyq politsiia departamenti A.N.Álievanyń soqqyǵa jyǵylǵany týraly videony zertteýde. Naqtyraq aitqanda, 14 sáýir kúni saǵat 17.00 shamasynda elordadaǵy Qoshqarbaev kóshesi, 45/1 úiiniń aýlasynda turǵyndar arasynda kikiljiń týyndap, sońy qaqtyǵysqa ulasqan. Oǵan avtokólik júrgizýshileriniń jolǵa talasyp qalýy sebep bolǵan. Júrgizýshiler bir-birine jol bergisi kelmegen. Aqyry kórshiler arasha túsip, politsiia kelgenshe eki jaqty ajyratyp alǵan», - dep habarlaidy qalalyq politsiia departamentinen.
Politsiia málimetinshe, qaqtyǵystan zardap shekken áiel aýrýhanaǵa jatqyzylyp, 20 sáýir kúni úiine shyǵarylǵan. Qazir atalǵan oqiǵa boiynsha tergeý amaldary júrgizilip jatyr. Iske qatysty adamdardyń bári de tergelýde. Tergeý barysyn Nur-Sultan qalalyq politsiia departamentiniń bastyǵy baqylaýyna alǵan.
Aita ketsek, buǵan deiin áleýmettik jelilerde «elordada júrgizýshi múgedek balany tárbielep otyrǵan anany jol bermegeni úshin soqqyǵa jyqty» degen taqyryppen video tarap ketken edi.
