Foto: instagram.com/assel.askar
Politsiia Almatydaǵy fitnes ortalyqtardyń birinde bolǵan bloger Ásel Asqardyń oqiǵasyna qatysty jaýap berdi, - dep habarlaidy Tengrinews.kz saity.
Qalalyq Politsiia departamentiniń málimetinshe, blogerdi urdy degen kúdikke ilingen 27 jastaǵy er adam anyqtalǵan. Onyń áreketi Ákimshilik kodeks boiynsha "uryp-soǵý" jáne "usaq buzaqylyq" dep tanylǵan.
"Fakt Medeý aýdandyq PB-na tirkelip, tergeý amaldary júrgizilip jatyr. 1996 jyly týǵan M.-ǵa qatysty QR ÁQBtK-niń 73-1-baby ("Uryp-soǵý") jáne QR ÁQBtK-niń 434-baby ("Usaq buzaqylyq") boiynsha ákimshilik is qozǵaldy", - deidi PD baspasóz qyzmeti ókilderi.
Jaraqatynyń aýyrlyǵyn anyqtaý úshin Ásel Asqarǵa saraptama taǵaiyndaldy.
"Azamat A.-nyń dene jaraqatynyń aýyrlyǵyn anyqtaý maqsatynda sot-meditsinalyq saraptama taǵaiyndaldy. Is materialdary sheshim qabyldaý úshin sotqa joldanady", - dep tolyqtyrdy vedomstvo.
Tergeý barysy Almaty PD basshylyǵynyń baqylaýynda.
Eske salaiyq, bloger "Roial" fitnes klýbynda kásibi balýan, grek-rim kúresinen chempion betinen birneshe ret urǵanyn jetkizdi. Sondai-aq, qyz oǵan qaýip tónip turǵanyn aitty.
"Media tulǵa retinde búgin qorlandym. Jańa Meleiskii (Medeý - esk.) aýdandyq ishki ister basqarmasynda birneshe saǵat boldym. Men jáne mobilografym búgin "Roial" fitnes klýbynda bolǵan oqiǵa týraly málimdeme jazdyq.
Ókinishke qarai, ómirime, abyroiyma, qadir-qasietime qaýip tónip tur. Meni kavkaz ultynyń ókili soqqyǵa jyqty. Anamdy qorlap, oǵan eshteńe bolmaitynyn aityp qorqytty. Ol úlken adam, al men "qazaqtyń ..." ekenmin. Osy oqiǵany anyqtap, qoldanystaǵy zańnama sheńberinde sheshim qabyldaýlaryńyzdy suraimyn", - dedi Ásel Asqar videoda.
