videodan alynǵan kadr
Politsiia atyraýlyq jýrnalist Viktor Sýtiaginniń kóliginiń órtenýine qatysty pikir bildirdi, - dep habarlaidy "Ult aqparat" IIM baspasóz qyzmetine silteme jasap.
Vedomstvo málimetinshe, 11 mamyr saǵat 04:21 shamasynda Atyraý qalalyq politsiia basqarmasynyń qyzmetkerleri avtopatrýldeý kezinde Naýryzaliev kóshesindegi úidiń janynan órtenip jatqan Lexus RX-300 avtokóligin baiqaǵan.
"Oqiǵa ornyna dereý órt sóndirý qyzmeti jiberildi. Jarylys belgileri bolǵan joq.
Oqiǵa ornynda qajetti jedel-izdestirý is-sharalary júrgiziledi. Órttiń shyǵý sebebi de anyqtalyp jatyr.
Jábirlenýshiniń aryzy Qylmystyq kodekstiń 202-babynyń 3-bóligi boiynsha tirkeldi" - delingen habarlamada.
Eske salaiyq, buǵan deiin BAQ-ta belgisiz bireý jýrnalist Viktor Sýtiaginniń kóligin órtep jibergeni habarlanǵan edi. Oqiǵa beinebaqylaý kamerasyna túsip qalǵan.
Sýtiagin - Atyraýda tanymal jýrnalist. Ol 67 jasta. "QazAqparat" HAA-tiń menshikti tilshisi bolyp jumys isteidi. Buǵan deiin "Kaspiiskaia kommýna", "Karavan", "Kazahstanskaia pravda" jáne basqa da aqparat quraldarynda qyzmet etken.
