Almaty qalasynyń politsiia departamenti jantúrshigerlik jol apatyna qatysty mán-jaidy aitty, - dep habarlaidy "Ult aqparat" Polisia.kz Telegram-arnasyna silteme jasap.
"Jol-kólik oqiǵasynyń syzbasyna jáne beinebaqylaý júielerin taldaýǵa sáikes búgin saǵat 14.05-te jeke tasymaldaýshylardyń birine tiesili MAZ qoǵamdyq kóliginiń 35 jastaǵy júrgizýshisi Abylai han dańǵylymen ońtústik baǵytta kele jatyp, Tóle bi dańǵylynyń qiylysynda baǵdarshamnyń tyiym salynǵan belgisine ótip ketip, Tóle bi dańǵylymen shyǵys baǵytta kele jatqan Golden Dragon markaly avtobýspen soqtyǵysqan. Kólikti 59 jastaǵy azamat basqarǵan.
Soqtyǵysýdan keiin 98-shi baǵyttaǵy qoǵamdyq kóliktiń júrgizýshisi qozǵalysyn jalǵastyryp, jaiaý júrginshilerdi qaǵyp ketken. Saldarynan jaiaý júrginshilerdiń biri - 37 jastaǵy er adam oqiǵa ornynda kóz jumdy" - delingen habarlamada.
Atalǵan derek QR QK-niń 345-baby 3-bóligine sáikes tirkelgen. Tiisti saraptamalar taǵaiyndaldy.
