Mańǵystaý oblystyq IID Aqtaýda 15 qyrkúiekke qaraǵan túni bolǵan tótenshe jaǵdaidyń mán-jaiyn aityp berdi, - dep habarlaidy kaz.tengrinews.kz tilshisi. Aita keteiik, bul oqiǵa Aqtaý ýaqyty boiynsha saǵat 00.50-de bolǵan.
Politsiianyń málimetinshe, jedel sharalardy júrgizý barysynda Aqtaýdyń 46 jastaǵy turǵynynan granata tabylǵan. Biraq ol oqýǵa arnalǵan granata bolyp shyqqan.
"Oqý granatasy tárkilendi. Jedel sharalar kezinde eshqandai qarý qoldanylǵan joq, atys ta bolǵan joq. Qazirgi ýaqytta tergeý bastaldy. Jergilikti turǵynda oqý granatasy qalaisha paida bolǵanyn tergeý anyqtaidy", - dedi Mańǵystaý oblystyq IID baspasóz qyzmetindegiler.
Eske sala keteiik, osyǵan deiin túnde Aqtaýda arnaiy qyzmettegilerdiń atysqandardy ustaǵany jaily habarlanǵan bolatyn. Kýágerler tórt adamnyń tóbelesi jaily, sondai-aq atys bolǵany jáne bir adamnyń ustalǵany jaily aityp bergen edi.
