ماڭعىستاۋ وبلىستىق ٸٸد اقتاۋدا 15 قىركٷيەككە قاراعان تٷنٸ بولعان تٶتەنشە جاعدايدىڭ مەن-جايىن ايتىپ بەردٸ, - دەپ حابارلايدى kaz.tengrinews.kz تٸلشٸسٸ. ايتا كەتەيٸك, بۇل وقيعا اقتاۋ ۋاقىتى بويىنشا ساعات 00.50-دە بولعان.
پوليتسييانىڭ مەلٸمەتٸنشە, جەدەل شارالاردى جٷرگٸزۋ بارىسىندا اقتاۋدىڭ 46 جاستاعى تۇرعىنىنان گراناتا تابىلعان. بٸراق ول وقۋعا ارنالعان گراناتا بولىپ شىققان.
"وقۋ گراناتاسى تەركٸلەندٸ. جەدەل شارالار كەزٸندە ەشقانداي قارۋ قولدانىلعان جوق, اتىس تا بولعان جوق. قازٸرگٸ ۋاقىتتا تەرگەۋ باستالدى. جەرگٸلٸكتٸ تۇرعىندا وقۋ گراناتاسى قالايشا پايدا بولعانىن تەرگەۋ انىقتايدى", - دەدٸ ماڭعىستاۋ وبلىستىق ٸٸد باسپاسٶز قىزمەتٸندەگٸلەر.
ەسكە سالا كەتەيٸك, وسىعان دەيٸن تٷندە اقتاۋدا ارنايى قىزمەتتەگٸلەردٸڭ اتىسقانداردى ۇستاعانى جايلى حابارلانعان بولاتىن. كۋەگەرلەر تٶرت ادامنىڭ تٶبەلەسٸ جايلى, سونداي-اق اتىس بولعانى جەنە بٸر ادامنىڭ ۇستالعانى جايلى ايتىپ بەرگەن ەدٸ.
