Sońǵy jyldary politseilerge qatysty zorlyq-zombylyq qoldaný faktileri boiynsha qozǵalǵan qylmystyq ister sanynyń ósýi baiqalady.
Máselen, tek ótken jyldyń ózinde ǵana shamamen 600, 2015 jyly 500, 2014 jyly 300-den astam qylmystyq is qozǵaldy. Bul jaiynda QR IIM Memlekettik til jáne aqparat departamentiniń direktory Almas Sadýbaev óziniń Feisbýktegi paraqshasynda jazdy, dep habarlaidy "Ult aqparat".
«Memlekettik organdardyń barlyq qyzmetkerleriniń ómiri men densaýlyǵyn qorǵaý úshin aiyppul kólemin 2 myńnan 5 myń AEK-ke deiin (4,5 mln-nan 11,5 mln-ǵa deiin) ulǵaitý jáne 2-den 5 jylǵa deiin bas bostandyǵynan aiyrý arqyly ony ortasha aýyr qylmys sanatyna jatqyzý jolymen QK 380 baby 1 tarmaǵynda kózdelgen jazany qatańdatý usynyldy. Túzetý qylmys úshin 500-den 10 myń AEK shegindegi aiyppul kózdelgen QK 41 babyna, zańnama normalaryna súienip ázirlendi», - dep jazdy ol.
Sadýbaevtyń atap ótýinshe, aiyppul kólemin jasalǵan qylmystyq quqyq buzýshylyqtyń aýyrlyǵyn eskere otyryp sot belgileidi.
«Álemdik tájiribe zerdelendi. Bul jalpy qabyldanǵan tájiribe. Azamattardyń qaýipsizdigin qamtamasyz etýi tiis quqyq qorǵaý organdarynyń qyzmetkerleri qylmystyq ozbyrlyqtan qorǵalǵan bolýy tiis. Buǵan qosa, shynaiy ári ádil bolýy úshin IIM syrtqy qyzmetterdiń barlyq qyzmetkerlerin tasymal registratorlarmen qamtamasyz etý boiynsha sharalar qabyldaýda. Sonda ustalǵan quqyq buzýshy óziniń qylmys jasamaǵandyǵyn aita almaidy jáne politsiia qyzmetkerleri de ózderiniń laýazymdyq mindetterin asyra paidalana almaidy»,- dedi Sadýbaev.
